ಕಲಿಕೆಯಲ್ಲಿ ಮತ್ತು ಬೋಧನೆಯಲ್ಲಿ ಅಭಿಪ್ರೇರಣೆ

ವೂಲ್ಫೋಕ್, ಅನಿತಾ (2013) ಕಲಿಕೆಯಲ್ಲಿ ಮತ್ತು ಬೋಧನೆಯಲ್ಲಿ ಅಭಿಪ್ರೇರಣೆ In: ಎಜುಕೇಷನಲ್ ಸೈಕಾಲಜಿ. Pearson, pp. 460-505. ISBN 0132613166, 9780132613163

Fulltext Document Motivation in Learning.pdf Download (824kB)

Introduction

ಆಧುನಿಕ ಶಿಕ್ಷಣ ನೀತಿಗೆ ಸಂಬಂಧಪಟ್ಟ ಚಿಂತನೆಗಳಲ್ಲಿ ವಿದ್ಯಾರ್ಥಿಗಳನ್ನು ಪ್ರೇರೇಪಿಸುವುದು ಬೋಧನೆಯ ಅತಿ ಮಹತ್ವದ ವಿಚಾರಗಳಲ್ಲಿ ಒಂದಾಗಿದೆ ಎಂಬುದನ್ನಿಲ್ಲಿ ಚರ್ಚಿಸಲಾಗಿದ್ದು, ಇದನ್ನು ಬಹುತೇಕ ಶಿಕ್ಷಣ ತಜ್ಞರು ಒಪ್ಪುತ್ತಾರೆ. ಕಲಿಯುವುದಕ್ಕಾಗಿ ವಿದ್ಯಾರ್ಥಿಗಳು ಸಂಜ್ಞಾನಾತ್ಮಕ, ಭಾವನಾತ್ಮಕವಾಗಿ ಮತ್ತು ಅವರುಗಳ ವರ್ತನೆಗೆ ಸಂಬಂಧಪಟ್ಟಂತೆಯೂ ತರಗತಿಯ ಚಟುವಟಿಕೆಗಳಲ್ಲಿ ಭಾಗವಹಿಸಬೇಕಾಗುತ್ತದೆ. ವಿದ್ಯಾರ್ಥಿಯ ಒಂದು ವರ್ತನೆಯನ್ನು ಗಮನಿಸಿದ ಮಾತ್ರಕ್ಕೆ ಅದು ಆಂತರಿಕ ಪ್ರೇರಿತವೇ ಅಥವಾ ಬಾಹ್ಯ ಪ್ರೇರಿತವೇ ಎಂದು ನಿರ್ಣಯಿಸುವುದು ಕಷ್ಟ. ಈ ಎರಡು ವಿಧವಾದ ಅಭಿಪ್ರೇರಣೆಗಳ ನಡುವಿನ ಮುಖ್ಯವಾದ ವ್ಯತ್ಯಾಸ ಯಾವುದೆಂದರೆ ವಿದ್ಯಾರ್ಥಿಗಳ ಕ್ರಿಯೆಯ ಹಿಂದಿನ ಕಾರಣವಾಗಿದೆ. ಅಂದರೆ ಕ್ರಿಯೆಯ ಹಿಂದಿನ ಕಾರಣದ ನೆಲೆಯು ಆಂತರಿಕವಾದ ಅಥವಾ ಬಾಹ್ಯವಾದದೆ ಅದು ವ್ಯಕ್ತಿಯ ಒಳಗಿರುವುದೇ ಅಥವಾ ಹೊರಗಿರುವುದೇ ಎಂಬುದಾಗಿರುತ್ತದೆ. ವಿದ್ಯಾರ್ಥಿಗಳಿಗೆ ಸಾಧನೆ ಮಾಡಲು ಒತ್ತಡವಿದ್ದಾಗ ಅವರು ಸಾಮಾನ್ಯವಾಗಿ ತ್ವರಿತ ಹಾಗೂ ಸುಲಭವಾದ ದಾರಿಯನ್ನು ಹುಡುಕುತ್ತಾರೆ. ವಿದ್ಯಾರ್ಥಿಗಳು ತಾವು ಇನ್ನು ಹೆಚ್ಚು ಸಮರ್ಥರಾಗಲು ಸಹಾಯಕವಾಗುವಂತಹ ಚಟುವಟಿಕೆಗಳಲ್ಲಿ ಪಾಲ್ಗೊಳ್ಳಲು ಇಚ್ಛಿಸುತ್ತಾರೆ ಮತ್ತು ತಾವು ಜಯಶೀಲರಾಗುವ ಸಾಧ್ಯತೆ ಕಡಿಮೆ ಇರುವ ಚಟುವಟಿಕೆಗಳಲ್ಲಿ ಪಾಲ್ಗೊಳ್ಳುವ ಸಾಧ್ಯತೆಗಳು ಕಡಿಮೆ ಇರುತ್ತವೆ. ಅಭಿಪ್ರೇರಣೆ ಎಂಬ ವಿಷಯಕ್ಕೆ ಇರುವ ಮಹತ್ವ ಮತ್ತು ಪಾತ್ರವನ್ನು ಇಲ್ಲಿ ನಿರೂಪಿಸಲಾಗಿದೆ. ವಿದ್ಯಾರ್ಥಿಗಳಲ್ಲಿ ಕಲಿಕೆಯ ಅಭಿಪ್ರಾಯಗಳನ್ನು ಬೆಳೆಸಲು ಶಿಕ್ಷಕರು ಸದಾಕಾಲ ಕಾಳಜಿ ಹೊಂದಿರುತ್ತಾರೆ. ವಿದ್ಯಾರ್ಥಿಗಳಿಗೆ ಒಂದು ಕೆಲಸದ ಗುರಿಯನ್ನು ನಿಗದಿ ಮಾಡುವಾಗ ಅದು ಮೊದಲು ಬಾಹ್ಯ ಅಂಶವಾಗಿ ಇರುತ್ತದೆ. ನಂತರ ಆ ಉದ್ದೇಶದ ಗುರಿಯನ್ನು ಸಾಧಿಸಬೇಕೆಂಬ ಮೌಲ್ಯವು ಅದರ ಆಂತರಿಕ ಅಗತ್ಯವಾಗಿ ಅಲ್ಲಿ ಅಭಿಪ್ರೇರಣೆಯು ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ. ಈ ಪರಿಕಲ್ಪನೆಯನ್ನು ಈ ಲೇಖನದಲ್ಲಿ ಉತ್ತಮವಾಗಿ ವಿವರಿಸಿದೆ. ಈ ಮೂಲಕ ಕಲಿಕೆಯ ಮೌಲ್ಯಗಳನ್ನು ಗ್ರಹಿಸಲು ಹಾಗೂ ವಿದ್ಯಾರ್ಥಿಗಳಿಗೆ ಸಹಾಯ ಮಾಡಲು ಶಿಕ್ಷಕರು ಆಂತರಿಕ ಮತ್ತು ಬಾಹ್ಯ ಅಭಿಪ್ರೇರಣೆಗಳನ್ನು ಪರಿಣಾಮಕಾರಿಯಾಗಿ ಉಪಯೋಗಿಸಬಹುದಾಗಿದೆ.

Item Type:	Book Section
Discipline:	Child Development and Learning
Programme:	Postgraduate Programmes > MA in Education
Title(English):	Motivation in Learning and Teaching
Creators(English):	Anita Woolfolk
Publisher:	Pearson
Title of Book(English):	Educational Psychology
Contributors:	Translator: Lalitha bhat; Reviewer: Indira Jaiprakash; Copy Editor: Prajna
URI:	http://anuvadasampada.informaticsglobal.ai/id/eprint/5016

.

Edit Item