ಐಸಿಡಿಎಸ್ ಅನುಷ್ಟಾನಕ್ಕೆ ವಿಸ್ತೃತ ಕಾರ್ಯಚೌಕಟ್ಟು

ಭಾರತ ಸರ್ಕಾರ (2013) ಐಸಿಡಿಎಸ್ ಅನುಷ್ಟಾನಕ್ಕೆ ವಿಸ್ತೃತ ಕಾರ್ಯಚೌಕಟ್ಟು ಮಿನಿಸ್ಟ್ರಿ ಆಫ್ ವುಮನ್ ಅಂಡ್ ಚೈಲ್ಡ್ ಡೆವಲಪ್ಮೆಂಟ್.

Fulltext Document ICDS MISSION The Broad Framework for Implementation.pdf Download (1MB)

Introduction

"ಈ ದಾಖಲೆಯು ಕೇಂದ್ರ ಸರ್ಕಾರದ ಪ್ರಮುಖ ಕಾರ್ಯಕ್ರಮವಾದ ಐಸಿಡಿಎಸ್ ಯೋಜನೆಯ ವಿವರಗಳನ್ನು ನೀಡುತ್ತದೆ. ಭಾರತವು ಜಗತ್ತಿನಲ್ಲಿ ಅತ್ಯಂತ ಹೆಚ್ಚು ಸಂಖ್ಯೆಯಲ್ಲಿ ಮಕ್ಕಳನ್ನು ಹೊಂದಿರುವ ದೇಶ. ಸಾಕ್ಷರತೆ ಹಾಗೂ ಆರ್ಥಿಕ ಬೆಳವಣಿಗೆ ಸಾಕಷ್ಟು ಆಗಿದ್ದರೂ, ಮಕ್ಕಳ ಸಂಪೂರ್ಣಾತ್ಮಕ ಬೆಳವಣಿಗೆ ಇನ್ನೂ ಕನಸಾಗಿಯೇ ಉಳಿದಿದೆ. 1975ರಲ್ಲಿ ಮಕ್ಕಳು, ಗರ್ಭಿಣಿಯರು ಮತ್ತು ಹಾಲುಣಿಸುತ್ತಿರುವ ತಾಯಂದಿರ ಆರೋಗ್ಯ, ಪೋಷಣೆ ಮತ್ತು ಬೆಳವಣಿಗೆ ಅಗತ್ಯಗಳನ್ನು ಪೂರೈಸಲು 33 ಸಮುದಾಯ ಅಭಿವೃದ್ಧಿ ವಿಭಾಗಗಳಲ್ಲಿ ಆರಂಭವಾದ ಐಸಿಡಿಎಸ್ ಯೋಜನೆ ಕ್ರಮೇಣ ದೇಶದೆಲ್ಲೆಡೆ ವಿಸ್ತರಿಸಿದೆ. ಕಾಲಕ್ರಮೇಣ ಐಸಿಡಿಎಸ್ ಹಲವು ರೀತಿಯಲ್ಲಿ ವಿಕಾಸಗೊಂಡಿದ್ದು, ವಿವಿಧ ರಾಜ್ಯಗಳು ಅನುಸರಿಸುತ್ತಿರುವ ಮತ್ತು ಯಶಸ್ವಿಯಾದ ಮತ್ತು ಅನ್ವೇಷ ಣಾತ್ಮಕವಾದ ಮಾದರಿಗಳಿವೆ. ಈ ಕಾರ್ಯಕ್ರಮ ಸೂಕ್ತ ಹೂಡಿಕೆ, ಬೆಂಬಲ ಹಾಗೂ ನಿರ್ವಹಣೆಯಿಂದ ಆರಂಭಿಕ ಬಾಲ್ಯಾವಸ್ಥೆ ಮತ್ತು ಪೋಷಕಾಂಶ ಪೂರೈಕೆಗೆ ಸಂಬಂಧಿಸಿದ ಫಲಿತಾಂಶಗಳ್ನು ನೀಡುವ ಸಾಮರ್ಥ್ಯ ಹೊಂದಿದೆ. ಎಳೆಯ ಮಕ್ಕಳ ಸಂಪೂರ್ಣ ಬೆಳವಣಿಗೆಯನ್ನು ಖಾತ್ರಿಗೊಳಿಸಲು ಕೇಂದ್ರದಿಂದ ಎಡಬ್ಲ್ಯುಸಿ ಹಂತದವರೆಗೆ ಕಾರ್ಯಕ್ರಮದಲ್ಲಿ ಸುಧಾರಣೆಗಳನ್ನು ಕೈಗೊಳ್ಳಲಾಗಿದೆ. ಎಡಬ್ಲ್ಯುಸಿ ಕಟ್ಟಡಗಳ ನಿರ್ಮಾಣ, ಉನ್ನತೀರಣ ಮತ್ತು ದುರಸ್ತಿ, ಬಾಡಿಗೆಯ ಹೆಚ್ಚಳ, ಸೇವೆಗಳ ಪ್ಯಾಕೇಜ್ ಬಲವರ್ಧನೆ, 3 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳ ಮೇಲೆ ಲಕ್ಷ್ಯ, ಪೂರಕ ಪೋಷಕಾಂಶ ಕಾರ್ಯಕ್ರಮದ ಸುಧಾರಣೆ, ಆರಂಭಿಕ ಬಾಲ್ಯಾವಸ್ಥೆಯ ಮಕ್ಕಳ ಪಾಲನೆ ಮತ್ತು ಶಿಕ್ಷಣದ ಬಲವರ್ಧನೆ, ತೀವ್ರ/ಮಧ್ಯಮ ಕಡಿಮೆ ತೂಕದ ಮಕ್ಕಳ ನಿರ್ವಹಣೆ, ವಿಶೇಷ ಅಗತ್ಯಗಳಿರುವ ಮಕ್ಕಳ ಮೇಲೆ ಗಮನ ಇತ್ಯಾದಿ ಕ್ರಮಗಳನ್ನು ತೆಗೆದುಕೊಳ್ಳಲಾಗಿದೆ. ಯೋಜನೆ ಯ ವಿಕೇಂದ್ರೀಕರಣ, ಪಿಆರ್‍ಐ/ಯುಎಲ್‍ಬಿ ಮತ್ತು ನಾಗರಿಕ ಸಮಾಜದ ಸಂಸ್ಥೆಗಳೊಡನೆ ಪಾಲುದಾರಿಕೆ, ಮಾಹಿತಿ ವ್ಯವಸ್ಥೆಗಳು ಮತ್ತು ಮಾಹಿತಿ, ಸಂವಹನ ತಂತ್ರಜ್ಞಾನದ ಬಳಕೆ ಸೇರಿದಂತೆ ನಿರ್ವಹಣಾ ಸುಧಾರಣೆಗಳನ್ನು ಮಾಡಲಾಯಿ ತು. ಅಂಗನವಾಡಿ/ಗ್ರಾಮ, ವಿಭಾಗ, ಜಿಲ್ಲೆ, ರಾಜ್ಯ ಮತ್ತು ರಾಷ್ಟ್ರ ಮಟ್ಟದಲ್ಲಿ ಐಸಿಡಿಎಸ್ ಮಿಷನ್‍ನ ಪರಾಮರ್ಶನ ಮಾಡಲಾಯಿತು. ಪ್ರತಿಯೊಂದು ಹಂತದಲ್ಲೂ ಪ್ರಮಾಣೀಕೃತ ಮಾದರಿ ಹಾಗೂ ಇನ್‌ಪುಟ್-ಔಟ್‌ಪುಟ್‌ಗಳ ಪ್ರಮಾಣಕಗಳನ್ನು ಸ್ಥಾಪಿಸಲಾಯಿತು. ಉತ್ತರದಾಯಿತ್ವ ಮತ್ತು ಪಾರದರ್ಶಕತೆಯನ್ನು ಸುಧಾರಿಸಲು ಸಾಮಾನ್ಯ ಪರಾಮರ್ಶನ ಮಿಷನ್, ಜನ್ ಸುನ್ವಾಯ್, ಸಮುದಾಯದ ಮಾಲೀಕತ್ವದ ಮಾನ್ಯತಾ ವ್ಯವಸ್ಥೆ, ಸಮುದಾಯ ಸಂವಾದ ಹಾಗೂ ಸಾರ್ವಜನಿಕ ಮಾಹಿತಿ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲಾಯಿತು. ಉತ್ತರದಾಯಿತ್ವವನ್ನು ಬಲಪಡಿಸಲು, ಕುಂದುಕೊರತೆ ನಿವಾರಣೆ ವ್ಯವಸ್ಥೆಯನ್ನು ರೂಪಿಸಲಾಯಿತು. ವಿಕೇಂದ್ರೀಕೃತ ಯೋಜನೆ ರೂಪಿಸುವಿಕೆ, ಹೊಂದಿಸಿಕೊಳ್ಳಬಹುದಾದ ವಿನ್ಯಾಸ, ಒಮ್ಮುಖತೆಯನ್ನು ಖಾತ್ರಿಗೊಳಿಸುವುದು ಹಾಗೂ ನಿರ್ವಹಣೆಯನ್ನು ಬಲಪಡಿಸಲಾಯಿತು. ಕಾರ್ಯಕ್ರಮಾತ್ಮಕ ಮತ್ತು ನಿರ್ವಹಣೆಯಲ್ಲಿನ ಸುಧಾರಣೆಗಳನ್ನು ಎಲ್ಲ ಹಂತದಲ್ಲಿ ಪ್ರಬಲ ಸಾಂಸ್ಥಿಕ ರಚನೆಯ ಮೂಲಕ ಬೆಂಬಲಿಸಲಾಯಿತು. ಯೋಜನೆಯ ಸಾಧನೆಯ ಪ್ರಮುಖ ಸೂಚಕಗಳೆಂದರೆ, ಕಡಿಮೆ ತೂಕದ ಮಕ್ಕಳ ಜನನದ ಪ್ರಮಾಣ ಕುಸಿತ, ಐವೈಸಿಎಫ್ ಸುಧಾರಣೆ, ರಕ್ತಹೀನತೆ ಕುಸಿತ, ಐಎಂಆರ್ ಮತ್ತು ಎಂಎಂಆರ್ ಕಡಿಮೆಯಾಗಿದ್ದು ಹಾಗೂ ಆರಂಭಿಕ ಕಲಿಕೆಗೆ ಸಂಬಂಧಿಸಿದಂತೆ ಉತ್ತಮ ಫಲಿತಾಂಶ. "

Item Type:	Article
Discipline:	Understanding ECE - Themes and Issues
Programme:	Diploma Programmes > Diploma in Early Childhood Education
Title(English):	ICDS Mission: The Broad Framework for Implementation
Creators(English):	Government of India
Publisher:	Ministry of Women and Child Development
Journal or Publication Title(English):	Ministry of Women and Child Development
Contributors:	Translator:Madhav Aithal; Reviewer: T N Vasudevamurthy
URI:	http://anuvadasampada.informaticsglobal.ai/id/eprint/5056

.

Edit Item